Lied 777 Johr Villige

Das Jubiläumslied wurde in der Schule Villigen komponiert und von den Kindern intensiv eingeübt.

Das Lied wir am Sonntag, 01. September um ca. 10:30 vorgesungen...

1. Strophe

Bi eus in Villige gits immer viel z’erläbe,

Öb ide Badi, ide Schuel, öb ide Räbe.

Ja, mir lached und mir striited mitenand,

Bi eus im Dorf goht alles Hand in Hand.

2. Strophe

Isch dir mol langwiilig und fühlsch du dich einsam,

Gang in Verein und scho machsch alles gmeinsam.

Öb im Düda, Karate oder gmischte Chor,

Jetzt chunnts dir garantiert nümm langwiilig vor.

Refrain         

Mir sind es Dorf, das isch scho ziemli alt,

Aber halt, mir sind no lang ned chalt!

Drum fiired mir Gmeinschaft und Zämehalt,

Drum fiired all, öb jung oder alt.

3. Strophe

Ide Schuel, da chömed all Chinde zäme,

Jedes isch guet und keis muess sich schäme.

Ganz egal öb dick öb dünn oder gross oder chlii,

Hauptsach mir chönd in Friede zäme sii.

4. Strophe

Und hüt da fiired mir euses Dorf ganz riesig,                                                                                                                      

Siebehundersiebenesiebezg Johr und bald sinds tuusig.

Es isch es Dorf, wo läbt und vieli Gschichte schriibt,

Mir wänd, dass Villige no lang bestoh bliibt.

Refrain         

Mir sind es Dorf, das isch scho ziemli alt,

Aber halt, mir sind no lang ned chalt!

Drum fiired mir Gmeinschaft und Zämehalt,

Drum fiired all, öb jung oder alt.